ئێواره‌ى ڕۆژى سێشه‌ممه 19 ى حوزه‌یرانى 2018 ، له‌یاریه‌كانى جامى جیهانى ، له‌كۆمه‌ڵه‌ى یه‌كه‌م له‌دووه‌م یاریاندا هه‌ردوو هه‌ڵبژارده‌ى ڕووسیا و میسر رووبه‌رووی یه‌ك بوونه‌وه
ڕووسیا توانى سه‌ركه‌وتن به‌سه‌ر میسردا تۆمار بكات به‌ئه‌نجامى سێ گۆل له‌به‌رامبه‌ر گۆلێك .
له‌خوله‌كى 47 ى یاریه‌كه‌دا ئەحمەد فەتحی بە هەڵە گۆڵی یەکەمی لە میسڕ کرد ، دوو گۆله‌كه‌ى دیكه‌ى ڕووسیا هه‌ریه‌ك له‌یاریزانان چیرچیڤ و دزویبا 59 ، 62 تۆماریان كرد
گۆله‌كه‌ى هه‌ڵبژارده‌ی میسر له‌ڕێگاى یاریزان محه‌مه‌د سه‌لاح به‌لێدانى سزا له‌خوله‌كى 73 تۆمار كرا
رووسیاى وڵاتى میوانداری جامى جیهانى 2018 ، له‌دووه‌م یاری له‌كۆمه‌ڵه‌كه‌یدا توانى سه‌ركه‌وتن به‌ده‌ست بهێنێت ، نزیك بوویه‌وه له‌گه‌یشتن به‌قۆناغى داهاتووى جامه‌كه ، هه‌ڵبژارده‌ى میسریش دووچارى دووه‌م شكست هات به‌ڕێژه‌یه‌كى زۆر نزیكه له‌ماڵئاوایی له‌جامى جیهانى
ڕیزبه‌ندى هه‌ڵبژارده‌كان له‌كۆمه‌ڵه‌ى یه‌كه‌م به‌م شێوه‌یه
1- ڕووسیا 6 خاڵ
2- ئۆرۆگوای 3 خاڵ له‌یه‌ك یاریدا
3- سعودیه 0 خاڵ له‌یه‌ك یاریدا
4- میسڕ 0 خاڵ
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.