موقتەدا سەدر ڕێبەری ڕەوتی سەدر رایگەیاند سێ ڕۆژ مۆڵەت دەدات بۆ پێکهێنانی لیژنە لەبارەی تەقینەوەکەی ناوچەی سەدر و ئاشکراکردنی ڕاپۆرتی خۆیان لەوبارەیەوە.
لەبەیاننامەیەکدا نوسینگەی موقتەدا سەدر ڕێبەری ڕەوتی سەدر ڕایگەیاند موقتەدا سەدر پرسە و سەرەخۆشی لە دانیشتووانی ناوچەی سەدر دەکات و بە تووندی ئیدانەی ئەو تەقینەوەیە دەکات.
هاوکات داوایان لێدەکات ئارام بن و دانبەخۆیاندا بگرن، بوار نەدرێتە دووژمنان دەرفەت بقۆزنەوە بۆ تێکدانی هەر باشبوونێکی دۆخی ئەمنی و سیاسی.
لەبەیاننامەکەدا هاتووە موقتەدا سەدر داوای پێکهێنانی لیژنەیەک دەکات لەوبارەیەوە و دەبێت لیژنەکەش لەماوەی سێ ڕۆژدا راپۆرتی خۆی ئاشکرا بکات.
ئێوارەی دوێنی تەقینەوەیەکی بەهێز لەناوچەی سەدری بەغدا ڕویدا و بەهۆیەوە 20 کەس کوژران و زیاتر لە 100 کەس بریندار بوون.
کۆمێنت (0)
تا ئێستا هیچ کۆمێنتێک نەکراوە.