سه‌در داوا له هاووڵاتیان ده‌كات بوار نه‌درێته دوژمنان ده‌رفه‌ت بقۆزنه‌وه ، داواش ده‌كات لێژنه‌یه‌ك به‌مه‌به‌ستی زانینی هۆكاره‌ی ته‌قینه‌وه‌كه و ورده‌كارییه‌كانی پێكبهێنرێت.
دوای ئه‌وه‌ی ئێواره‌ی دوێنێ ته‌قینه‌وه‌یه‌كی به‌هێز له ناوچه‌ی سه‌در روویدا و 130 كه‌س بوونه قوربانی، نووسینگه‌ی تایبه‌تی موقته‌دا سه‌در، رێبه‌ری ره‌وتی سه‌در له به‌یاننامه‌یه‌كدا رایگه‌یاند: موقته‌دا سه‌در پرسه و سه‌ره‌خۆشی له دانیشتووانی ناوچه‌ی سه‌در ده‌كات و به تووندی ئیدانه‌ی ئه‌و ته‌قینه‌وه‌یه ده‌كات و داوایان لێده‌كات ئارام بن و دان به‌خۆیاندا بگرن.
به‌یاننامه‌كه‌ی موفته‌دا سه‌در داواش له هاووڵاتیان ده‌كات بوار نه‌درێته دوژمنان ده‌رفه‌ت بقۆزنه‌وه ، بۆ تێكدانی هه‌ر باشبوونێكی دۆخی ئه‌منی و سیاسی عێراق.
هه‌روه‌ها سه‌در له به‌یاننامه‌كه‌دا داوای پێكهێنانی لیژنه‌یه‌ك ده‌كات، به‌مه‌به‌ستی زانینی هۆكاره‌ی ته‌قینه‌وه‌كه و ورده‌كارییه‌كانی، ده‌شبێ لیژنه‌كه له ماوه‌ی سێ رۆژی داهاتوودا راپۆرتێك پێشكه‌ش بكات.
کۆمێنت (0)
تا ئێستا هیچ کۆمێنتێک نەکراوە.