مه‌ولود چاووش ئۆغڵو وه‌زیری ده‌ره‌وه‌ی توركیا بۆ دیدار و گفتوگۆ له‌گه‌ڵ هاوتا ئه‌مریكییه‌كه‌ی خۆی به سه‌ردانێك گه‌یشته ئه‌مریكا و سه‌باره‌ت به ناكۆكییه‌كانی خۆیان ده‌رباره‌ی باكووری سووریا و به‌تایبه‌تیی شاری منبجی ئه‌م وڵاته گفتوگۆی له‌گه‌ڵ مایك پۆمپیۆ كرد.
رۆژی رابردوو مه‌ولود چاووش ئۆغڵو به مه‌به‌ستی سه‌ردانێكی دوو رۆژیی و دیدار له‌گه‌ڵ وه‌زیری ده‌ره‌وه‌ی ئه‌مریكا گه‌یشته ویلایه‌ته یه‌كگرتووه‌كانی ئه‌مریكا.
رۆژنامه‌ی حوڕییه‌تی توركیا له راپۆرتێكدا سه‌باره‌ت به‌م سه‌ردانه‌ی وه‌زیری ده‌ره‌وه‌ی وڵاته‌كه نووسیویه‌تیی: مه‌به‌ست له‌م سه‌ردانه كۆتاییهێنان و گه‌یشتن به ئامانجێكی هاوبه‌شه سه‌باره‌ت به كۆنتڕۆڵ كردنه‌وه‌ی دۆخی شاری منبجی سووریا، به‌چه‌شنێك بگه‌نه ئه‌و رێككه‌وتنه‌ی كه له ئه‌نجامدا شه‌ڕڤانانی كورد له‌م شاره بڕۆنه ده‌ره‌وه و تاڕاده‌یه‌كیش ناكۆكیی و ته‌نگه‌ژه‌كانی نێوان ئه‌مریكا و ناتۆ كه‌م ببێته‌وه.
شایه‌نی ئاماژه‌یه كه له‌وه‌ته‌ی مایك پۆمپیۆ بووه به وه‌زیری ده‌ره‌وه‌ی ئه‌مریكا، ئه‌وه یه‌كه‌مجاره كه دیدار له‌گه‌ڵ هاوتا توركیه‌كه‌ی ده‌كات.
سه‌رچاوه / ده‌نگی ئه‌مریكا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.