له‌تیف شێخ عومه‌ر به‌رپرسى مه‌ڵبه‌ندى یه‌كى سلێمانى یه‌كێتى نیشتمیانى كوردستان و ئه‌ندامى مه‌كته‌بى سیاسی ، نامه‌ى ده‌ست له‌كاركێشانه‌وه‌ى له‌پۆسته‌كه‌ى پێش كه‌ش به مه‌كته‌بى سیاسی كردووه .
به‌پێى سه‌رچاوه‌ى میدیاكانى سلێمانى ، ده‌ست له‌كاركێشانه‌وه‌ى له‌تیف شێخ عومه‌ر له 26ى ئازار بووه كه بۆ دووه‌م جاره داوا ده‌كات له‌سه‌روى خۆی ڕه‌زامه‌ند بن له‌سه‌ر ده‌ست به‌رداربوونى له‌پۆسته‌كه‌ى .
هه‌روه‌ها میدیاكان ڕاشیده‌گه‌یه‌نن ده‌ست له‌كاركێشانه‌وه‌ى به‌رپرسى مه‌ڵبه‌ندى سلێمانى په‌یوه‌ندى به‌وه هه‌یه كه‌ناوبراو ده‌یه‌وێت بچێته پاڵ به‌رپرسانى دیكه كه‌له‌ڕۆژانى رابردوو ده‌ستیان له‌كاركێشاوه‌ته‌وه .
له‌تیف شێخ عومه‌ر به‌رپرسى ئێستاى مه‌ڵبه‌ندى سلێمانى یه‌كێتى نیشتیمانى كوردستان نزیك به‌هه‌شت ساڵ ده‌بێت له‌و پۆسته‌دایه ، كه‌به‌یه‌كێك له‌مه‌ڵبه‌نده كاریگه‌ر و دیاره‌كانى یه‌كێتى داده‌ندرێ .
له‌دوو ڕۆژى رابردوو به‌دوو بڕیارى جیای مه‌كته‌بی سیاسى یه‌كێتى نیشتیمانى كوردستان، دوانزده ئه‌ندام مه‌ڵبه‌ند و كارگێر مه‌ڵبه‌ند به‌تۆمه‌تى نزیك بوون له‌لیسته‌كه‌ى دكتۆر به‌رهه‌م ئه‌حمه‌د ساڵح له‌و پارته دورخرانه‌وه
کۆمێنت (0)
تا ئێستا هیچ کۆمێنتێک نەکراوە.