به هۆی رووداوێكی هاتووچۆ له سه‌ر ڕێگای نێوان به‌رده‌ڕه‌ش _ ڕوڤیا له نزیك گوندی جوجه 2 هاوڵاتی به سه‌ختی بریندار بوون.
به‌ره‌به‌یانی ئه‌مڕۆ 12/4/2018 له روودواوێكی هاتووچۆ له نێوان 2 كامیۆنی بارهه‌ڵگر دروستبوو، به‌هۆیه‌وه 2 هاوڵاتی بریندار بوون و زه‌ره‌ر و زیانێكی زۆریش به‌ر بارهه‌ڵگره‌كان و شه‌قامه‌كه‌ش كه‌وتووه.
له‌م باره‌یه‌وه "حازم مه‌حه‌مه‌د" به‌رپرسی ڕاگه‌یاندنی پۆلیسی به‌رده‌ڕه‌ش، به ده‌زگای سه‌ته‌لایتی كوردستانی ڕاگه‌یاند: به‌هۆی پابه‌ند نه‌بوون به ڕێنماییه‌كانی هاتووچۆ ئه‌م رووداوه دروست بووه. ده‌شڵێت: كاتێك 2 كامیۆنه‌كه خۆیان به‌یه‌كدا كێشاوه یه‌كێك له كامیۆنه‌كان ئاگری گرتووه وبه هۆیه‌وه شۆفێری هه‌ردوو كامیۆنه‌كه به سه‌ختی بریندار بوون و ره‌وانه‌ی نه‌خۆشخانه‌ی فریاكه‌وتنی ئاكرێ كراون.
راشیگه‌یاند: تیمه‌كانی پۆلیسی به‌رگری شارستانی ڕوڤیا دوای ڕووداوه‌كه گه‌یشتنه شوێنی ڕووداوه‌كه‌و ئاگره‌كه‌یان كۆنتڕۆڵكرد.
کۆمێنت (0)
تا ئێستا هیچ کۆمێنتێک نەکراوە.