راگه‌یاندنه ناوخۆییه‌كانی سووریا رایانگه‌یاند: كه چه‌كدارانی داعش ناوچه‌یه‌كی به‌رفراوانی بیابانه‌كانی سوریایان خستووه‌ته‌وه ژێر كۆنتڕۆڵی خۆیان و به‌شێوه‌یه‌كی له‌ناكاو گه‌یشتوونه‌ته باشووری شاری قه‌ریه‌ته‌ینی ده‌وروبه‌ری دیمه‌شق.
به‌گوێره‌ی ئه‌م هه‌واڵانه چه‌كدارانی داعش كۆنتڕۆڵی ناوچه‌كانی " سه‌بع به‌یار و حاجز و زازا و بیئرغاز "ـیان له ده‌وروبه‌ری دیمه‌شق گرتووه‌ته ده‌ست.
به‌وته‌ی ئه‌م سه‌رچاوه هه‌واڵییانه داعش به‌بێ هیچ پێكدادانێك و دوای پاشه‌كشه‌ی هێزه‌كانی به‌شار ئه‌سه‌د ئه‌م ناوچانه‌ی گرتووه‌ته‌وه.
پێشتر سه‌رۆك ئه‌ركانی هاوبه‌شی وه‌زاره‌تی به‌رگریی ئه‌مریكا رایگه‌یاندبوو: كه ستراتیجیه‌تی سوپای ئه‌مریكا له جه‌نگی دژی داعش له سووریا پاش وتووێژ و مشتومڕ له‌گه‌ڵ دۆناڵد ترامپ گۆڕانگاریی به‌سه‌ردا نه‌هاتووه.
ژه‌نه‌ڕاڵ كێنێس مه‌كێنزی وتیشی: هه‌میشه له‌سه‌ر ئه‌و بڕوایه بووینه كه به كۆتاییهاتنی داعش له سووریا، قه‌باره‌ی مانه‌وه‌مان له سووریا كه‌م بكه‌ینه‌وه، به‌ڵام له‌ڕاستیدا تا ئێستا ئه‌م سیاسه‌ته نه‌بووه‌ته كرده‌یی.
سه‌رچاوه / عه‌ره‌بییه
مه‌سعود / كوردستان تی ڤی
کۆمێنت (0)
تا ئێستا هیچ کۆمێنتێک نەکراوە.