نوێنەری حکومەتی هەرێمى كوردستان له تاران، رایده‌گه‌یه‌نێت، ئاسۆیەکی گەش لە بەردەم پەیوەندییەکانی ئێران و هەرێمدا هه‌یه و پێشبینى ده‌كات، له هه‌موو روویه‌كه‌وه ئه‌و په‌یوه‌ندییه به‌ره‌و پێش بچێت.
نوێنەری حكومەتی هەرێم لە ئێران پێشبینی دەكات پەیوەندییەكانی نێوان ئێران و هەرێمی كوردستان لەهەموو روویەكەوە بەرەوپێشچوون بەخۆیەوە ببینێت و ئاسۆیەكی گەش لەبەردەم پەیوەندییەكانی ئێران و هەرێمی كوردستاندایە.
بەپێی میدیاكانی ئێران نازم دەباغ، نوێنەری حكومەتی هەرێم لە ئێران رایگەیاندووە دوای بەڕێوەچوونی پڕۆسەی ریفراندۆم، حکومەتی هەرێمی کوردستان، هەوڵی داوە کە پەیوەندییەکانی وەکو حاڵەتی یەکەم جار و تەنانەت باشتر لە پێشووش بگەڕێنێتەوە.
گوتیشی: چونکە ئێمە مێژوو، جوگرافیا، فەرهەنگ و دینی هاوبەشمان لەگەڵ ئێراندا هەیە و هەروەها ڕابردوویەکی هاوبەشی زۆریشمان بۆ هاوکاریی، پێکەوە هەیە، بە لەبەرچاو گرتنی ئەمانە من چاوەڕوان دەکەم کە پەیوەندییەکانی هەرێمی کوردستان و کۆماری ئیسلامی ئێران بەرەو باشتربوون بڕوات و گەشەی زیاتر بستێنێت.
کۆمێنت (0)
تا ئێستا هیچ کۆمێنتێک نەکراوە.