بڕیارە سبەی چوارشەممه، ئەنجوومەنی وەزیرانی هەرێمی كوردستان كۆببێتەوە و بەپێی زانیارییەكان پرسی دەستكاری كردنی پاشەكەوتی مووچەی فەرمانبەرانی هەرێمی كوردستان تاوتوێ دەكات.
سەفین دزەیی، گوتەبێژی حکومەتی هەرێمی کوردستان راگەیاند، سبەی چوارشەممە ئەنجوومەنی وەزیران بۆ گفتوگۆکردن و بڕیاردان لە دوایین پێشنیازەکان لەبارەی سیستەمی پاشەکەوتی مووچە، کۆدەبێتەوە.
سەفین دزەیی راشیگەیاند، ئەو کۆبوونەوەیەی ئەنجوومەنی وەزیران کە بڕیاربوو رۆژی پێنجشەممە ئەنجامبدرێت، بۆ سبەی (چوارشەممە 28-3-2018) پێشخراوە و لەو کۆبوونەوەیەدا دوایین پڕۆژە لەبارەی مووچە باسدەکرێت.
ڕوونیشی كردەوە كە بەرنامەی كاری كۆبوونەوەكە ڕوونە و تایبەتە بەدۆخی ئێستای هەرێمی كوردستان.
هه‌روه‌ها بەپێی ئەو زانیاریانە سبەی حكوومەتی هەرێمی كوردستان تاوتوێ ئەو خشتەیە دەكات كە لەلایەن وەزارەتی دارایی و ئابووری حكوومەتی هەرێم ئامادە كراوە بەمەبەستی كەمكردنەوەی رێژەی پاشەكەوتی مووچەی فەرمانبەران و بۆ رۆژی دواتریش خشتەكە ڕادەگەیەنرێت.
کۆمێنت (0)
تا ئێستا هیچ کۆمێنتێک نەکراوە.