ڕۆژنامه‌ى ئاسى ئیسپانى له‌هه‌واڵێكى بڵاوكراوه‌ى له‌ڕۆژنامه‌كه‌دا ڕایگه‌یاندووه ، له‌ئێستادا به‌هۆى داواكارى ریال مه‌درید له‌سه‌ر لیڤاندۆڤسكى پۆڵه‌ندى ئه‌و یانه ئه‌ڵمانیه‌ى نیگه‌ران كردووه له‌سه‌ر پێداگیرى و هه‌وڵه‌كانى یانه مه‌دریدیه‌كه .
هێرشبه‌ره پۆڵه‌ندیه‌كه ته‌مه‌ن 29 ساڵ گرێبه‌سته‌كه‌ى له‌گه‌ل بایرن تا 2021 په‌یوه‌سته به‌یانه‌كه‌ى ، بۆ ڕۆیشتن له‌یانه‌كه‌ى و چوونى به‌ده‌م داخوازیه‌كه‌ى ریال مه‌درید یاریزانى ناوبراو پێویستى به‌دانیشتن و گه‌یشتن به ڕێكه‌وتنه ڵه‌گه‌ڵ یانه‌كه‌ى له‌سه‌ر هه‌ڵوه‌شانه‌وه‌ى گرێبه‌سته‌كه‌ى
ئاس ڕاشیده‌گه‌یه‌نێت په‌یوه‌ندى نێوان بایرن میونشن و ریال مه‌درید له‌ماوه‌كانى پێشوو له‌ئاستێكى باشدا بووه ، به‌شێوه‌یه‌ك ریال مه‌درید یاریزانى كۆڵۆمبى رۆدریگێزى داوه پێیان ، به‌ڵام له‌ئێستادا به‌هۆى په‌یوه‌ندى نێوان یاریزانه‌كه‌ى بایرن و ریال مه‌درید یانه ئه‌ڵمانیه‌كه‌ى نیگه‌ران كردووه ، به‌جۆرێك بووه‌ته هۆى ئه‌وه‌ى سه‌رۆكى یانه ڕایگه‌یاندووه ڕۆیشتنى هه‌ر یاریزانێك ده‌بێ به‌ڕه‌زامه‌ندى راهێنه‌ر و كارگێرى یانه بێت . ئه‌م لێدوانه‌ش به‌ماناى وه‌ڵامێكه بۆ ریال له‌هه‌وڵدان بۆ یاریزانه‌كه‌مان به‌بێ ڕه‌زامه‌ندى ئێمه سه‌ركه‌وتو نابن تێیدا .
ئه‌و ڕۆژنامه‌یه ڕاشیگه‌یاندوه لیڤاندۆڤسكى به‌بریكاره‌كه‌ى ڕاگه‌یاندووه كه‌نیازیه‌تى و ئاره‌زوو ده‌كات په‌یوه‌ندى بكات به‌ریال مه‌درید له‌هاوینه‌دا .
له‌كۆتادا ئاس ڕایگه‌یاندووه به‌شێوه‌ى سه‌ره‌تای ریال مه‌درید و لیڤاندۆڤسكى گه‌یشتونه‌ته ڕێكه‌وتن كه‌له‌هاوینه ئه‌و گرێبه‌سته‌ى نێوانیان ڕابگه‌یه‌ندرێت
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.