له‌ کۆمه‌ڵگای کانی قرژاڵه‌ دایک و کوڕێک کوژران

به‌ره‌به‌یانی ئه‌مرۆ له‌ كۆمه‌ڵگای كانی قرژاڵه‌ی سه‌ر به‌ قه‌زای خه‌بات له‌ پارێزگای هه‌ولێر دایك و كورێك له‌ ناو ماڵه‌كه‌ی خۆیاندا كوژران.

له‌م باره‌یه‌وه‌ ملازم " تاریق هه‌ركی" به‌رێوه‌به‌ری بنكه‌ی پۆلیسی سیبیران، به‌ ده‌زگای سه‌ته‌لایتی كوردستانی راگه‌یاند: به‌ره‌به‌یانی ئه‌مرۆ له‌ كۆمه‌ڵگای كانی قرژاڵه‌ ژنێك و كوڕێك كه‌ هاوكات دایك و كوڕن به‌ چه‌قۆ  له‌ ناو ماڵه‌كه‌ی خۆیاندا كوژران.

راشیگه‌یاند: كوژراوه‌كان كوردی شه‌به‌كن و تاكو ئێستا هۆكاری كوشتنه‌كه‌یان نه‌زانراوه‌.

هه‌روه‌ها ڕاشیگه‌یاند: په‌راوی لێكۆڵینه‌وه‌ بۆ رووداوه‌كه‌ كراوه‌ته‌وه‌ و لێكۆڵینه‌وه‌ له‌ رووداوه‌كه‌ به‌رده‌وامه‌ و پۆلیس به‌ شوێن بكوژه‌كاندا ده‌گه‌ڕێت.