له دوای بڕیاره‌كه‌ی توركیا بۆ كردنه‌وه‌ی كایه‌ی ئاسمانیی وڵاته‌كه‌ی به‌ڕووی فڕۆكه‌خانه‌ی هه‌ولێردا، بۆ یه‌كه‌مجار دوای شه‌ش مانگ یه‌كه‌م گه‌شتی راسته‌وخۆ له ئیستانبوڵه‌وه بۆ هه‌ولێر ئه‌نجامدرا.
فڕۆكه‌یه‌كی هێڵی ئاسمانیی توركی، به زیاتر له ١٥٠ سه‌رنشینه‌وه دوای گه‌شتێكی دوو كاتژمێر و نیوی كاتژمێر ٠٢:٣٠ له فڕۆكه‌خانه‌ی هه‌ولێر نیشته‌وه.
به هۆی دوور و درێژیی رێگه‌كه‌وه گه‌شتكردن له رێگه‌ی وشكانیی زۆر ناڕه‌حه‌ت و پڕ ئازار بووه و ده‌ستپێكردنه‌وه‌ی گه‌شته ئاسمانییه‌كان له نێوان توركیا و هه‌ولێردا ئاسانكاریی بۆ دانیشتوانی هه‌رێمی كوردستان و توركیا ده‌كات.
پێشتر خه‌ڵك له رێگه‌ی شرنه‌خ و ماردینه‌وه به تێكڕای زیاتر له ١٠ كاتژمێر ده‌گه‌یشتنه هه‌ولێر، به‌ڵام ئێستا له رێگای فڕۆكه‌وه به دوو كاتژمێر ده‌گه‌ن .
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.