پارتی دیموكراتی كوردستان و حزبی شیوعی كوردستان جه‌خت ده‌كه‌نه‌وه كه دۆخی ئێستای كه‌ركووك كاتییه.
ئه‌مرۆ له دیدارێكی نێوان سه‌لاح ده‌لۆ سه‌رۆكی ئه‌نجوومه‌نی سه‌ركردایه‌تی كه‌ركوك گه‌رمیانی پارتی دیموكراتی كوردستان و شاندێكی حزبی شیوعی كوردستان به سه‌رۆكایه‌تی ئه‌بو كاروان ئه‌ندامی مه‌كته‌بی سیاسی و سه‌رۆكی فراكسیۆنی حزبی شیوعی كوردستان له په‌رله‌مانی كوردستان باسیان له دوایین بارۆدخی كه‌ركووك و داگیركردنی شاره‌كه و زوڵم و سته‌می هێزه عێراقییه‌كان له خه‌ڵكی كوردی شاره‌كه كرد.
هاوكات هه‌ردوولا جه‌ختیان له‌سه‌ر ئه‌وه كرده‌وه، ئه‌و بارودۆخه‌ی ئێستای كه‌ركووك كاتیه و به‌م شێوه‌یه نامێنێت و ئاڵو گۆڕی زۆر له‌و ناوچانه رووده‌دات.
شایه‌نی وه‌بیرهێنانه‌وه‌یه ڕۆژی 16ی ئۆکتۆبەری ساڵی ڕابردوو، حەشدی شەعبی و چەند میلیشیایەکی دیکە، بەڕێککەوتن و هاوكارى لەگەڵ گرووپێکی خیانەتکارى لایه‌نێكى كوردى، پەلاماری شارى کەرکووک و خورماتوو و خانەقینیان داو دەستیان بە سەر ئه‌و ناوچانه‌دا گرت و سەدان ھاووڵاتیی کوردیان شەھید و بریندار کردو نزیکەی 200 ھەزار کەسیش لەو سنوورانە ئاوارە بوون ، سه‌ربارى ئه‌وه‌ى چه‌ندین دوكان و خانووى هاووڵاتیانى كوردیان له‌و ناوچانه سووتاند.
کۆمێنت (0)
تا ئێستا هیچ کۆمێنتێک نەکراوە.