دواى خۆپیشاندانه‌كانى ئه‌مرۆ یه‌ك شه‌ممه له‌شاره‌كانى هه‌ولێر و سلێمانى به‌ڕێوه‌چوو له‌لایه‌ن مامۆستایان و پزیشك و كارمه‌ندانى ته‌ندروستى،خۆپیشاندانه‌كه‌ى هه‌ردوو توێژ ده‌ستى لایه‌نى سیاسى كه‌وته ناوى له‌پێناو ده‌ستكه‌وتى حزبى بۆخۆیان و له‌ساته وه‌خته‌كانى نزیك بوونه‌وه‌ینه له‌هه‌ڵبژاردنه‌كان .
له‌پاڵ خۆپیشاندانه‌كانى ئه‌مڕۆ هه‌ریه‌ك له‌ئه‌ندامانى ئه‌نجومه‌نى نوێنه‌رانى عێراق سه‌لیم شوشكه‌یی له‌لیستى كۆمه‌ڵى ئیسلامى ، كاوه محه‌مه‌د له‌بزووتنه‌وه‌ى گۆڕان به‌شدارییان كرد له‌ڕێبه‌رایه‌تى كردنى خۆپیشاندانه‌كان و له‌ووتنه‌وه‌ى دروشمى جیاجیا له‌پاڵ خۆپیشانده‌ران.
شاخه‌وان عه‌بدوڵڵا ئه‌ندامى ئه‌نجومه‌نى نوێنه‌رانى عێراق به‌ماڵپه‌رى كوردستان تى ڤى ڕاگه‌یاند : پێم سه‌یره ئه‌و ئه‌ندامانه‌ى ئه‌نجومه‌ن كه‌نوێنه‌رى كوردن نایه‌ن له‌به‌غدا داواى مافى كورد بكه‌ن له‌حه‌یده‌ر عه‌بادى شه‌قامێك دابخه‌ن وه‌ك ناڕه‌زایه‌تیه‌ك دێن له‌هه‌ولێر و سلێمانى بۆ ده‌ستكه‌وتى حزبى خۆیان به‌شدارى خۆپیشاندانه‌كان ده‌كه‌ن ، من ده‌پرسم له‌و ئه‌ندامانه چوار ساڵه له‌به‌غدان بۆ ده‌نگتان نیه داواى مافى كورد بكه‌ن له‌به‌غدا بۆچى له‌ئێستادا دێن له‌هه‌ولێر به‌شدارى خۆپیشاندان ده‌كه‌ن له‌كاتێك كارى ئێوه له‌به‌غدایه .
شاخه‌وان عه‌بدوڵڵا ڕاشیگه‌یاند : كارێكى دیكه‌ى ئه‌و براده‌رانه ئه‌وه‌یه له میدیا عه‌ره‌بییه‌كان لێدوان دژ به هه‌رێمى كوردستان بده‌ن و ئه‌و ره‌فتارانه‌ش هیچ خزمه‌تێك به خه‌ڵكى هه‌رێمى كوردستان ناكات، به پێچه‌وانه‌وه سود به نه‌یارانى كوردستان ده‌گه‌ێنێت
کۆمێنت (0)
تا ئێستا هیچ کۆمێنتێک نەکراوە.