وه‌زیری ده‌ره‌وه‌ی توركیا رایده‌گه‌ێنێ، قسه‌كه‌ی سه‌ركۆمار كه ده‌ڵێت :له‌وانه‌یه شه‌وێك له ناكاو بێین، شنگال و قه‌ندیل و هه‌موو ئه‌و شوێنانه ده‌گرێته‌وه كه یه‌په‌گه‌وپه‌كه‌كه‌ی لێیه.
مه‌ولود چاوشئۆغڵو، وه‌زیری ده‌ره‌وه‌ی توركیا بووه میوانی دێسكی سه‌رنووسه‌رانی ئاژانسی ئانادۆڵو، روونكردنه‌وه‌ی دا و وه‌ڵامی پرسیاره‌كانی په‌یوه‌ست به بابه‌ته‌كانی رۆژه‌ڤی دایه‌وه.
چاوشئۆغڵو سه‌باره‌ت ده‌نگۆكانی تاڵانكاری له عه‌فرین رایگه‌یاند: ناكرێ هێزه ئه‌منییه‌كانمان یان سوپای سووریای ئازاد و هیچ كه‌سێك وه‌ك په‌كه‌كه‌ی لێ بێ، كه‌س رێگه به‌وه نادات.
له‌باره‌ی منبجیشه‌وه گوتی: ئه‌گه‌ر پلانه‌كه‌ی (منبج) جێبه‌جێ نه‌كرێ، پێویسته تیرۆریستان له‌وێ له‌ناو ببرێن. دوای ده‌رچوونی یه‌په‌گه له منبج، ده‌سه‌ڵات و پێكهاته‌ی هێزه ئه‌منییه‌كان له‌لایه‌ن دانیشتوانه‌وه دیاریی ده‌كرێن.
هه‌روه‌ها گوتی: قسه‌كه‌ی سه‌ركۆمار كه ده‌ڵێت : له‌وانه‌یه شه‌وێك له ناكاو بێین' شنگال و قه‌ندیل و هه‌موو ئه‌و شوێنانه ده‌گرێته‌وه كه یه‌په‌گه، په‌كه‌كه‌ی لێیه.
وه‌زیری ده‌ره‌وه‌ی توركیا ئاشكرایكرد ئه‌مڕۆ سه‌ركۆماری وڵاته‌كه‌ی، ره‌جه‌ب ته‌یب ئه‌ردۆغان و سه‌رۆكی ئه‌مریكا، دۆناڵد تره‌مپ په‌یوه‌ندییه‌كی ته‌له‌فۆنی ئه‌نجامده‌ده‌ن و رایگه‌یاند: پێمانوایه تره‌مپ خوازیاره په‌یوه‌ندییه‌كان ئاسایی بكاته‌وه. به‌ڵام پێویستی به‌وه‌یه كه‌مێك زیاتر ده‌سه‌ڵاتی به‌سه‌ر سیستمه‌كه‌دا هه‌بێت.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.