هێزه عێراقییه‌كان بۆ رێگری له كردنه‌وه‌ی ئاگری نه‌ورۆز و هه‌ڵكردنی ئاڵای كوردستان چه‌ندین جۆر چه‌كی قورسیان له‌ناو قه‌ڵای كه‌ركووك جێگیر كردووه و ده‌یانهه‌وێ رێگری له كردنه‌وه‌ی مه‌ڕاسیمی نه‌ورۆز بكه‌ن.
به پێی زانیارییه‌كان له شاری كه‌ركووك، هێزێكی زۆری ئه‌منی هێنراوه‌ته ئه‌و شاره و شاره‌كه له ده‌وروبه‌ری نه‌ورۆز بووه به سه‌ربازگه و مه‌به‌ست له هێنانی ئه‌و هێزانه‌ش رێگری كردنه له به‌ڕێوه‌بردنی جه‌ژنی نه‌ورۆز و هه‌ڵكردنی ئاڵای كوردستان له شاره‌كه و به تایبه‌تیش له سه‌ر قه‌ڵای كه‌ركووك.
هه‌روه‌ها خه‌ڵكی شاری كه‌ركووك مكوڕن له‌سه‌ر كردنه‌وه‌ی ئاگری نه‌ورۆز و هه‌ڵكردنی ئاڵای كوردستان و و ده‌ڵێن هه‌ڕه‌شه‌كانی حه‌شدی شه‌عبی و سوپای عێراق ناتوانێ رێگری له بۆنه و جه‌ژنه‌كانی نه‌ته‌وه‌یی و ئایینی بگرێت.
هه‌روه‌ها ئه‌نجوومه‌نی پارێزگای كه‌ركووك و ئیداره‌ی شاره‌كه به پێچه‌وانه‌ی ساڵانی رابردوو هیچ جۆره ئاماده‌كارییه‌كیان نه‌كردووه بۆ كردنه‌وه و به‌ڕێوه‌بردنی مه‌ڕاسیمی جه‌ژنی نه‌ورۆز.
کۆمێنت (0)
تا ئێستا هیچ کۆمێنتێک نەکراوە.