مه‌هدى عه‌لاق، ئه‌میندارى گشتى ئه‌نجوومه‌نى وه‌زیرانى عێراق به یاوه‌رى شاندێكى باڵاى حكومه‌تى عێراق، به‌شدارى له مه‌ڕاسیمى یادى 30 ساڵه‌ى تاوانى كیمیابارانى هه‌ڵه‌بجه كرد و وته‌یه‌كى به نوێنه‌رایه‌تى حه‌یده‌ر عه‌بادى پێشكه‌ش به ئاماده‌بووانى مه‌ڕاسیمه‌كه كرد.
له وته‌كه‌یدا، مه‌هدى عه‌لاق جه‌ختى له‌سه‌ر پته‌وكردنى گیانى پێكه‌وه‌ژیان له عێراق كرده‌وه و رایگه‌یاند: با ئه‌مڕۆ بكه‌ینه سه‌ره‌تاى ئاوه‌دانى و گه‌شه‌پێدان و بوژاندنه‌وه‌ى وڵات و قوڵكردنه‌وه‌ى گیانى برایه‌تى.
عه‌لاق وتیشی: ئه‌وانه‌ى دوێنێ سه‌مایان له‌سه‌ر جه‌سته‌ى قوربانیانى كیمیایبارانى هه‌ڵه‌بجه ده‌كرد، ئه‌مڕۆ سه‌رزه‌مینى فراوانیان لێ به‌رته‌سك بووه‌ته‌وه.
دواتر، مه‌هدى عه‌لاق، به نوێنه‌رایه‌تى حكومه‌تى عێراق، تاجه گوڵینه‌ى رێزى له‌سه‌ر گڵكۆى شه‌هیدانى كیمیایبارانى هه‌ڵه‌بجه دانا.
کۆمێنت (0)
تا ئێستا هیچ کۆمێنتێک نەکراوە.