حەشدی شەعبی دوو رۆژە دەستی بەناردنی هێز كردووە بۆ كەركووك ، بەمەبەستی رێگری كردن لە هەڵكردنی ئاڵای كوردستان لە جەژنی نەورۆزدا .
سەرچاوەیەك له شاری كه‌ركووك رایگه‌یاند: نزیكەی دوو رۆژە حەشدی شەعبی دەستی بەناردنی ئەو هێزا كردووە ، بەمەبەستی رێگری كردن لە هەڵكردنی ئاڵای كوردستان لە جەژنی نەورۆزدا لە لایەن كوردەكانەوە.
دەنگۆی ئەوە هەیە لایەنە سیاسییە كوردییەكان ئامادەكارییان كردووە ، لە جەژنی نەورۆزدا ئاڵای كوردستان بەرزبكەنەوە.
ئه‌مه‌ش دوای ئه‌وه دێت دوو رۆژ له‌مه‌وبه‌ر هه‌واڵی وا بڵاوبۆیه‌وه كه حزبه كوردستانییه‌كان له كه‌ركووك رێكه‌وتن له یادی جه‌ژنی نه‌ورۆز ئاڵای كوردستان به‌رزبكه‌نه‌وه و ئاگری نه‌ورۆز بكه‌نه‌وه.
ڕۆژی 16ی ئۆکتۆبەری ساڵی ڕابردوو، حەشدی شەعبی و چەند میلیشیایەکی دیکە، بەڕێککەوتن و هاوكارى لەگەڵ گرووپێکی خیانەتکارى لایه‌نێكى كوردى، پەلاماری شارى کەرکووک و خورماتوو و خانەقینیان داو دەستیان بە سەر ئه‌و ناوچانه‌دا گرت و سەدان ھاووڵاتیی کوردیان شەھید و بریندار کردو نزیکەی 200 ھەزار کەسیش لەو سنوورانە ئاوارە بوون ، سه‌ربارى ئه‌وه‌ى چه‌ندین دوكان و خانووى هاووڵاتیانى كوردیان له‌و ناوچانه سووتاند.
کۆمێنت (0)
تا ئێستا هیچ کۆمێنتێک نەکراوە.