وته‌بێژی یه‌كێتی وه‌به‌رهێنه‌رانی كوردستان رایگه‌یاند: كردنه‌وه‌ی فڕۆكه‌خانه‌كان هه‌نگاوێكی گرنگه و تا ئه‌ندازه‌یه‌ك بووژانه‌وه‌ی ئابووری و جوڵه‌ی بازاڕ به دوای خۆیدا ده‌هێنێت.
مه‌لا یاسین مه‌حمود، وته‌بێژی یه‌كێتی وه‌به‌رهێنه‌رانی كوردستان له راگه‌یه‌ندراوێكدا سەبارەت بەکردنەوەی فڕۆکەخانەکان رایگه‌یاندووه، كردنه‌وه‌ی فڕۆكه‌خانه‌كان هه‌نگاوێكی گرنگه و تا ئه‌ندازه‌یه‌ك بووژانه‌وه‌ی ئابووری و جوڵه‌ی بازاڕ به دوای خۆیدا ده‌هێنێت و مانگانه زیاتر له 20 ملیۆن دۆلار زیانی ئابووری سه‌ر كه‌رتی تایبه‌تی هه‌رێم كه‌م ده‌كاته‌وه.
هەروەها دەڵێ لایه‌نێكی دیكه‌ی ئه‌رێنی له كردنه‌وه‌ی فڕۆكه‌خانه‌كان، هۆكاری بوژاندنه‌وه‌ی كه‌رتی گه‌شت و گوزار ده‌بێت بۆ هه‌رێم به تایبه‌ت هۆتێل و مۆتێل و شوێنه گه‌شتیارییه‌كان، هه‌روه‌ها ئاڵوگۆڕی بازرگانی گه‌شه ده‌كات به‌تایبه‌ت له ڕێگه‌ی كارگۆی فڕۆكه‌خانه‌كانه‌وه.
دوێنێ وەزیری ناوخۆی حکومەتی عێراق بەفەرمانی حەیدەر عەببادی سەرۆک وەزیران هەردوو فڕۆکەخانەی هەولێر و سلێمانی بەڕووی گەشتەنێودەوڵەتیەکاندا کردەوە، کە لە دوای ڕیفراندۆمی سەربەخۆیی هەرێمەوە ڕاگیرابوو.
کۆمێنت (0)
تا ئێستا هیچ کۆمێنتێک نەکراوە.