قاسم ئه‌عره‌جی وه‌زیری ناوخۆی عێراق و كه‌ریم شنگالی وه‌زیری ناوخۆی هه‌رێمی كوردستان، له فڕۆكه‌خانه‌ی نێوده‌وڵه‌تی هه‌ولێر، له كۆنگره‌یه‌كی رۆژنامه‌وانیدا كردنه‌وه‌ی فڕۆكه‌خانه‌كانی هه‌رێمی كوردستانیان به رووی گه‌شته نێوده‌وڵه‌تییه‌كان راگه‌یاند. لە کۆنگرەیەکی رۆژنامەڤانیی هاوبەشدا، ئەمڕۆ (چوارشەممە، 14-3-2018) قاسم ئه‌عره‌جی، وه‌زیری ناوخۆی عێراق و كه‌ریم شنگالی، وه‌زیری ناوخۆی هه‌رێمی كوردستان و بێستوون زەنگەنە، سەرۆکی لیژنەی گواستنەوە لە پەرلەمانی عێراق، له فڕۆكه‌خانه‌ی نێوده‌وڵه‌تی هه‌ولێرەوە كردنه‌وه‌ی فڕۆكه‌خانه‌كانی هه‌رێمی كوردستانیان به رووی گه‌شته نێوده‌وڵه‌تییه‌كان راگه‌یاند. به‌رپرسانی هه‌رێمی كوردستان و عیراق ئاماژه‌یان به‌وه‌كرد، له ئه‌مڕۆوه و به‌گوێره‌ی خشته‌ی وه‌زاره‌تی گواستنه‌وه‌ی عێراق، گه‌شته نێوده‌وڵه‌تییه‌كان ده‌ستپێده‌كه‌نه‌وه‌و فڕۆكه‌خانه‌كان كراوه‌ن. كەریم شنگالی، وەزیری ناوخۆی ھەرێمی كوردستان گووتی: "كردنەوەی فڕۆكەخانەكانی ھەرێمی كوردستان، ھەنگاوێكی باشە بۆ چارەسەركردنی كێشەكانی نێوان ھەولێر و بەغدا، ئێمە لەگەڵ ئەوەداین، ھەموو كێشەكان لە رێگەی گفتوگۆ و لەسەر بنەمای دەستوور چارەسەر بكرێن. له‌باره‌ی گۆڕانكاری له ئیداره‌ی فڕۆكه‌خانه‌كان، وه‌زیری ناوخۆی عێراق راگه‌یاند: به‌ڕێوه‌به‌ری فڕۆكه‌خانه‌كان ناگۆڕێن. لای خۆشیه‌وه بێستوون زەنگەنە، سەرۆکی لیژنەی گواستنەوە لە پەرلەمانی عێراق مژدەی کردنەوەی فڕۆکەخانەکانی راگەیاند و گوتی "سوپاس بۆ خوا ئەمڕۆ مژدەیەک دەدەینە خەڵکی کوردستان، هەردوو فڕۆکەخانەی سلێمانی و هەولێر بەڕووی گەشتە نێودەوڵەتییەکان کرانەوە. بڕیارەکە لە 29ـی ئەیلوول جێبەجێکرا، دوای تێپەڕبوونی پێنج مانگ و نیویش حەیدەر عەبادی، سەرۆکوەزیرانی عێراق بڕیاری دا گەمارۆکە هەڵبگرێت و لە هەردوو فڕۆکەخانەی هەولێر و سلێمانی دەست بە گەشتە نێودەوڵەتییەکان بکرێتەوە. دوای قەدەغەکردنی گەشتی نێودەوڵەتی بۆ ماوەی زیاتر لە پێنج مانگ و نیو لە فڕۆکەخانەکانی هەولێر و سلێمانی، ئەمڕۆ بەفەرمی فڕۆکەخانەکانی کوردستان بەڕووی گەشتی نێودەوڵەتی کرانەوە.
وه‌زیری ناوخۆی عێراق بۆ کردنه‌وه‌ی فڕۆکه‌خانه‌کان گه‌یشته هه‌ولێر
له‌گه‌ڵ كه‌ریم شنگالی، وه‌زیری ناوخۆی حكومه‌تی هه‌رێمی كۆردستان كۆبووه‌وه
کۆمێنت (0)
تا ئێستا هیچ کۆمێنتێک نەکراوە.