له ئه‌نجامی ته‌قینه‌وه‌ی مینێك له نزیك گوندی نه‌جاتی-یه سه‌ر به قه‌زای حه‌ویجه، ، چه‌كدارێكی حه‌شدی شه‌عبی كوژرا و شه‌شی دیكه‌ش برینداربوون.
سه‌بهان جبوری ، قایمقامی شارۆچكه‌ی حه‌ویجه‌ی سه‌ر به پارێزگای كه‌ركووك، رایگه‌یاند: له نزیك گوندی نه‌جاتی-یه سه‌ر به قه‌زای حه‌ویجه، مینێك به كاروانێكی هێزه‌كانی حه‌شدی شه‌عبی ته‌قیوه‌ته‌وه
هه‌روه‌ها گوتی: هێشتا پاشماوه‌كانی داعش مه‌ترسین بۆ سه‌ر هێزه ئه‌منییه‌كان و ئه‌نجامدانی ئۆپه‌راسیۆنێكی به‌رفراوان كه سوپای عێراقیش به‌شدار بێت تیایدا له ناوچه‌كه زۆر گرنگه.
ئه‌حمه‌د موراتلی ، به‌رپرسی راگه‌یاندنی حه‌شدی شه‌عبی خورماتوو، گوتی: به هۆی ته‌قینه‌وه‌ی مینێكه‌وه كه پێشتر له لایه‌ن داعشه‌وه چێنراوه، كه‌سێك كوژراوه و شه‌شی دیكه‌ش برینداربوون.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.