رۆژنامه‌ی حه‌یاتی له‌نده‌نی ئاشكرای كردووه، سه‌باره‌ت به كردنه‌وه‌ی فڕۆكه‌خانه‌كان و ره‌وانه‌كردنی مووچه‌ی دوو وه‌زاره‌ت ، هه‌ولێر و به‌غدا گه‌یشتوونه‌ته رێككه‌وتنی سه‌ره‌تایی و گفتوگۆكانیش به فشاری واشنتن و وڵاتانانی ئه‌وروپا بووه.
رۆژنامه‌كه له‌سه‌ر زاری سه‌رچاوه‌یه‌كی سیاسی رایگه‌یاندووه، له ماوه;ی هه‌فته‌ی رابردوو گفتوگۆی چڕوپڕ له نێوان لێژنه‌كانی ئه‌منی و سیاسی و سه‌ربازی سه‌ربه هه‌ولێرو به‌غدا ئه‌نجام دراون و هه‌ردوولا گه‌یشتوونه‌ته رێككه‌وتنی سه‌ره‌تایی سه‌باره‌ت به كڕدنه‌وه‌ی فرۆكه‌خانه‌كانی هه‌رێمی كوردستان و ره‌وانه‌كردنی مووچه‌ی فه‌رمانبه‌رانی هه‌ردوو وه‌زاره‌تی په‌روه‌رده‌و ته‌ندروستی.
هه‌روه‌ها رۆژنامه‌كه نووسیویه‌تی: گفتوگۆكان به فشاری واشنتن و وڵاتانی ئه‌وروپا به‌رێوه‌چووه، له‌و كاته‌وه‌ی حكومه‌تی عێراق ئابلوقه‌ی سه‌ر گه‌شته نێوده‌وڵه‌تییه‌كانی فڕۆكه‌خانه‌كانی هه‌رێمی كوردستانی بۆ سێ مانگی دیكه درێژ كرده‌وه.
ئاماده‌كار: رزگار
کۆمێنت (0)
تا ئێستا هیچ کۆمێنتێک نەکراوە.