به بۆنه‌ی هاتنی جه‌ژنی نه‌ورۆز هه‌ردوو هونه‌رمه‌ندی گۆرانیبێژ " دڵنیا ره‌زازی " و ناسر ره‌زازی " كۆنسێرتێك سازده‌كه‌ن .
خانمه گۆرانیبێژ " دڵنیا ره‌زازی " ئاشكرایده‌كات بریاره له رێكه‌وتی 23 / 3 /2018 له‌گه‌ڵ هونه‌رمه‌ند " ناسری ره‌زازی " ی باوكی له شاری ستۆكهۆلم له وڵاتی سوید بۆ كوردانی نیشته‌جێی ئه‌م وڵاته كۆنسێرتێك ئه‌نجام بده‌ن .
ناوبراو وتیشی بۆ ئه‌وه‌ی ئاماده‌بووان بگه‌رێننه‌وه زه‌مه‌نی جاران له‌م كۆنسێرته‌دا زۆرێك له گۆرانییه ره‌سه‌ن و فۆلكلۆره‌كان ده‌ڵێنه‌وه .
ده‌رباره‌ی هه‌بوونی به‌رهه‌می تازه " دڵنیا " ئاشكرایده‌كات ده‌مێكه كارده‌كات له‌سه‌ر به‌رهه‌مهێنانی ژماره‌یه‌ك له گۆرانی تازه و له كاتی گونجاودا گۆرانیی و ڤیدیۆ كلیپی تازه پێشكه‌ش به هه‌وادارانی ده‌كات .
کۆمێنت (0)
تا ئێستا هیچ کۆمێنتێک نەکراوە.