ده‌سته‌ی ته‌ندروستی عه‌فرین، رایگه‌یاند، له ئه‌نجامی بۆردومانی سووپای توركیا و گروپه چه‌كداره‌كانی، بۆ سه‌ر عه‌فرین، 192 هاوڵاتی مه‌ده‌نی شه‌هیدبوون ، كه ژن و منداڵیشیان له‌ناودایه.
ئه‌نجیلا ره‌شۆ، هاوسه‌رۆكی ده‌سته‌ی ته‌ندروستی عه‌فرین، ئه‌مڕۆ دووشه‌ممه له كۆنگره‌یه‌كی رۆژنامه‌وانیدا وتی" له ئه‌نجامی بۆردومانی سووپاى توركیا بۆ سه‌ر گوند و ناوچه‌كانی عه‌فرین كه له 20 كانوونی دووه‌م تا 25ی ئه‌م مانگه، 192 هاوڵاتی مه‌ده‌نی شه‌هیدبوون و 574 هاوڵاتی دیكه‌ش برینداربوون.
ئاماژه‌ی به‌وه‌شكردووه، كه له‌و ئاماره‌دا 28 منداڵ و 23 ژن شه‌هیدبوون و 69 منداڵ و 79 ژن و 426 پیاو برینداربوون، و ژماره‌یه‌كیان برینیان سه‌خته و هه‌ندێكشیان ده‌ست و قاچی بڕاون.
له 20ی مانگی رابردووه‌وه سووپای توركیا له‌شكركێشی بۆسه‌ر عه‌فرین ده‌ستپێكردووه، له ئاسمانه‌وه بۆردومانی ناوچه مه‌ده‌نییه‌كان ده‌كات و له‌سنوره‌كانیش شه‌ڕی سه‌خت به‌رده‌وامه.
کۆمێنت (0)
تا ئێستا هیچ کۆمێنتێک نەکراوە.