بەهۆی شەڕ زیاتر لە یەک ملیۆن هاووڵاتی ماڵ وحاڵی خۆیان بەجێهیشتووە

رێكخراوی یونیسێف سەر بەنەتەوە یەكگرتووەكان، بڵاویكردەوە لە ماوەی چوار ساڵی رابردوودا عێراق بەهۆی شەڕو ململانیەكانەوە دووچاری كاولكاریكی تەواو هاتووە.

 
رێكخراوی یونیسێف لە ڕاگەیاندراوێكدا بڵاویكردوەتەوە كاولكاری و ڕەوشی مرۆیی لەعێراق لەماوەی چوار ساڵی رابردوودا زۆر خراپ بووە بەهۆی شەڕو پێكدادانە بەردەوامەكانەوە.

بەگوێرەی راگەیاندراوەكە لە ساڵی 2014 نزیكەی 2.5 ملیۆن هاووڵاتی مەدەنی ئاوارەو دەربەدەربوونە و لە ساڵی 2015 یش بەهۆی شەڕو ناكۆكیەكانەوە زیاتر لە یەك ملیۆن هاووڵاتی ماڵ وحاڵی خۆیان بەجێهیشتووە.

بەگوێرەی ئەو ڕاگەیاندراوەی رێكخراوە نێونەتەوەیە ساڵی 2016 زیاتر لە 700 هەزار كەس ئاوارەبوونە و لە ساڵی 2017یش نزیكەوی 1.7 ملیۆن كەس ماڵ و حاڵی خۆیان بەجێهێشتوە وهەڵاتوون.