به‌رێوه‌به‌رایه‌تی راگه‌یاندنی هاتووچۆی سلێمانی ئاگاداری سه‌رجه‌م شۆفێران ده‌كاته‌وه كه‌وا مه‌ترسی رووخان له‌سه‌ر پردی تانجه‌رۆ دروستبووه.
له بڵاوكراوه‌یه‌كیدا له ماڵپه‌ری فه‌رمی هاتووچۆی سلێمانی رایگه‌یاندووه: به‌هۆی باران بارینی زۆره‌وه ئاگاداری سه‌رجه‌م شۆفێران ده‌كه‌ین كه مه‌ترسی رووخان له‌سه‌ر پردی تانجه‌رۆ دروستبووه به‌هۆی كاریگه‌ریی باران بارین و كه‌وتنه‌وه‌ی لافاوه‌وه، بۆیه هاتوچۆی سلێمانی بڕیاریدا ئه‌مبه‌ر‌و ئه‌وبه‌ری پرده‌كه به‌ربه‌ست بكات و هاتوچۆی ئۆتۆمبێل له‌سه‌ر پرده‌كه ڕابگرێت.
راشیگه‌یاندووه: له به‌رامبه‌ریشدا هاوڵاتیان ده‌توانن له رێگای عه‌ربه‌ت و داره ره‌شه‌وه بچنه قه‌ره‌داغ تاوه‌كو كاتی چاره‌سه‌ركردنی ئه‌و حاڵه‌ته.
کۆمێنت (0)
تا ئێستا هیچ کۆمێنتێک نەکراوە.