له‌گه‌ڵ نۆ کوڕه‌که‌ی له‌ چاوه‌ڕوانی ده‌یه‌مه

ژنێكی بەریتانی ماوه‌ی 15 ساڵه‌ له‌سه‌ر یه‌ك منداڵی ده‌بێت كه‌ به‌ ده‌گمه‌نترین حاڵه‌ت داده‌نرێت له‌ شانشینی یه‌كگرتوو .

ئەلێكسیس بریت، ژنێكی بەریتانیە 9 كوڕى هه‌یه‌ ئەم ژنە تەمەنی 37 ساڵە و دوو گیانە بە منداڵی دەیەم لە وەتەی شووی كردووە بۆ ماوەی 15 ساڵە لەسەریەك منداڵی دەبێت .

ئەلێكسیس بریت ده‌ڵێت هۆكاری زۆری منداڵەكانمان دەگەڕێتەوە بۆ حەزی بێ پایانی خۆم و پیاوەكەم بۆ منداڵێكی كچ .

هه‌روه‌ها بریت ده‌ڵێت: تا منداڵێكی كچمان نەبێت لە نەوە خستنەوە بەردەوام دەبین و من و هاوسه‌ره‌كه‌م زۆر دڵخۆش و به‌خته‌وه‌رین له‌گه‌ڵ 9 كوڕه‌كانمان به‌ڵام نازانم هه‌ستم چۆن ده‌بێت كاتێك كه‌ منداڵێكی كچیشم هه‌بێت .

ئه‌م حاڵه‌ته‌ به‌ دەگمەنترین حاڵەت داده‌نرێت لە شانشینی یەکگرتوو كه‌ ژنێک 9 منداڵی هه‌بيَت و لة یه‌ك ره‌گه‌ز بن.