راكان سه‌عید، پارێزگاری كه‌ركووك به وه‌كاله‌ت، به ئانادۆڵوی راگه‌یاندووه: داعش له ساڵانی 2014-2017، 116 گوندی له كه‌ركووك ته‌ختی زه‌وی كردووه.
هه‌روه‌ها گوتی: : هه‌زاران گوندنشین هێشتا له‌ناو ئه‌و چادرانه‌دا ده‌ژین كه له نزیك ناوه‌ندی شاری كه‌ركووك هه‌ڵدراون. ئه‌وه‌شی خسته‌ڕوو كه له سه‌رتاسه‌ری عێراق ئه‌و ناوچه‌یه‌ی داعش زۆرترین زیانی پێگه‌یاندووه باشووری كه‌ركووك بووه كه ماوه‌ی سێ ساڵ ده‌ستی به‌سه‌ردا گرتبوو.
گوتیشی: گوندنشینان ناتوانن بگه‌ڕێنه‌وه سه‌ر ماڵه‌كانیان. له‌به‌رئه‌وه‌ی تا ژێرخانی گونده‌كانیان سه‌رله‌نوێ بنیاتنه‌ندرێته‌وه كه رووخاوه ناتوانن بگه‌ڕینه‌وه. پێویستی به پشتیوانی به په‌له‌ی ده‌وڵه‌ت هه‌یه بۆ بنیاتنانه‌وه‌یان.
پێش رووداوه‌كانی 16ی ئۆكتۆبه‌ر عه‌ره‌به سوننه‌كانی كه‌ركوك كوردیان به تێكدانی ئه‌و گوندانه تۆمه‌تبار ده‌كرد، به‌ڵام ئێستاكه پارێزگاری كه‌ركوك به وه‌كاله‌ت تێكدانی ئه‌و گوندانه ده‌خاته ئه‌ستۆی چه‌كدارانی تێرۆریستی داعشه‌وه .
کۆمێنت (0)
تا ئێستا هیچ کۆمێنتێک نەکراوە.