وه‌زاره‌تی ناوخۆی عیراق دوو لیژنه‌ی له‌گه‌ڵ هه‌ردوو ده‌سته‌ی ده‌ستپاكی و لێپرسینه‌وه و دادپه‌روه‌ری پێكهێنا بۆ جێبه‌جێكردنی فه‌رمانه‌كانی ده‌ستیگیركردن بۆ ئه‌و كه‌سانه‌ی به گه‌نده‌ڵی تۆمه‌تبار كراوه.
سه‌رچاوه‌یه‌كی ئاگادار ئه‌مڕۆ سێشه‌ممه به سۆمه‌ریه نیوزی راگه‌یاند كه هه‌ر ئه‌مڕۆ وه‌زاره‌تی ناوخۆ و ده‌سته‌ی ده‌ستپاكی لیژنه‌یه‌كیان پێكهێناوه تا به هاوبه‌شی ئه‌و فه‌رمانانه جێبه‌جێ بكه‌ن كه بۆ ده‌ستگیركردنی تۆمه‌تباران به گه‌نده‌لی ده‌ركراوه.
سه‌رچاوه‌كه راشیگه‌یاند كه به‌هه‌مانشێوه وه‌زاره‌تی ناوخۆی عیراق لیژنه‌یه‌كی دیكه‌ی له‌گه‌ڵ ده‌سته‌ی لێپرسینه‌وه و دادپه‌روه‌ری پێكهێناوه تا كارئاسانی بۆ ده‌ستگیركردنی گه‌نده‌ڵكاران بكه‌ن، راشیگه‌یاندووه كه حاڵه‌ته تایبه‌ته‌كانی وه‌ك شه‌هید و برینداره‌كانی سه‌ربه وه‌زاره‌تی ناوخۆ و هێزه ئه‌منییه‌كان له‌به‌رچاو ده‌گیرێن.
کۆمێنت (0)
تا ئێستا هیچ کۆمێنتێک نەکراوە.