چه‌ند كاتژمێریكی دیكه جیهان رووداوێكی گرنگی وه‌رزشی به‌خۆیه‌وه ده‌بێنێ، پرسیاره‌كه لێره‌دایه ئایا به‌رشلۆنه‌و ریال كامیان ده‌توانێ ئه‌وی دیكه ببه‌زێنێ، هه‌ندێكیش پێیان وایه ئه‌مه جه‌نگی جیهانی سێیه‌مه.
كاتژمێر 3:00ی دوای نێوه‌رۆی ئه‌مڕۆ هه‌ردوو یانه‌ی ریال مه‌درید و به‌رشلۆنه‌ی ئیسپانی له‌نێو یاریگای سانتایگۆ به‌رنابیۆ یه‌كه‌م یاریی كلاسیكۆی ئه‌م وه‌رزه‌ی لالیگا ئه‌نجام ده‌ده‌ن.
یانه‌ی به‌رشلۆنه تا ئێستا 42 خاڵی هه‌یه له ریزبه‌ندی یه‌كه‌می خوله‌كه‌دایه و یانه‌ی ریال مه‌دریدیش به كۆكردنه‌وه‌ی 31 خاڵ له پله‌ی چواره‌مدایه و یارییه‌كی دواخراویشی هه‌یه.
یاری نێوان ئه‌م دوو یانه‌یه له‌سه‌رتاسه‌ری جیهان زۆرترین بینه‌ری هه‌یه و تاموچێژێكی تایبه‌تی هه‌یه، به‌شێكی زۆری هانده‌رانیش به‌سه‌ر ئه‌م دوو یانه‌یه دابه‌شبوون.
له‌شاره‌كانی كوردستان هانده‌رێكی زۆری ئه‌م دوو یانه‌یه هه‌ن،زۆرجاریش له نێوان هانده‌ران گرژی دروست ده‌بێ و له‌كاتی بردنه‌وه‌یه‌ی هه‌ر یانه‌یه‌كیش هانده‌رانی ئه‌و یانه‌یه ته‌قه‌ی خۆشی ده‌كه‌ن، كه ئه‌مه‌ش دووره له گیانی وه‌رزشی و مه‌ترسی بۆ سه‌ر گیانی هاووڵاتیان دروست ده‌كات.
کۆمێنت (0)
تا ئێستا هیچ کۆمێنتێک نەکراوە.