سكرتێری گشتی حزبوڵڵای لوبنانی رایده‌گه‌ێنێ، ئه‌گه‌ر بۆمان ده‌ركه‌وت عێراق پێویستی به بوونی ئێمه نییه، ئه‌وا براكانه‌مان ده‌چنه گۆڕه‌پانێكی دیكه،ده‌شڵێ: چه‌كی وه‌ك كۆڕنێتمان كه مووشه‌كی ئاراسته‌كراوی دژه تانك و دروستكراوی رووسیایه، بۆ فه‌ڵه‌ستینمان ناردووه.
حه‌سه‌ن نه‌سروڵڵا، سكرتێری گشتی حزبوڵڵا له گوتارێكی ته‌له‌ڤزیۆنیدا رایگه‌یاند : نه چه‌ك و نه مووشه‌ك ته‌نانه‌ت ده‌مانچه‌شمان ره‌وانه‌ی یه‌مه‌ن، به‌حرێن، كوێت، عێراق و هیچ وڵاتێكی عه‌ره‌بی نه‌كردووه.
گوتیشی: به‌ڵێ چه‌كی وه‌ك كۆڕنێتمان كه مووشه‌كی ئاراسته‌كراوی دژه تانك و دروستكراوی رووسیایه، بۆ فه‌ڵه‌ستینمان ناردووه، ئه‌وه‌ی ده‌یه‌وێت ئێمه ئیدانه بكات ئه‌وا خۆی ئیدانه‌كراوه و ئه‌و چه‌كانه‌مان ناردووه‌ته سووریا كه ته‌نها خۆمان شه‌ڕی پێ ده‌كه‌ین.
له درێژه‌ی گوته‌یه‌كدا، ئێمه له‌گه‌ڵ برایانمان له عێراق به هه‌ڵوێسته‌كانی خۆماندا ده‌چینه‌وه و ئه‌گه‌ر بۆمان ده‌ركه‌وت عێراق پێویستی به بوونی ئێمه نییه، ئه‌وا براكانه‌مان ده‌چنه گۆڕه‌پانێكی دیكه .
کۆمێنت (0)
تا ئێستا هیچ کۆمێنتێک نەکراوە.