كریستۆس ستایلیانیداس ئه‌ندامی به‌شی هاوكاری مرۆیی له یه‌كێتی ئه‌وروپا، له به‌یاننامه‌یه‌كدا هۆشداری ده‌داته نه‌ته‌وه یه‌كگرتووه‌كان به‌وه‌ی 33%ی هاووڵاتیانی یه‌مه‌ن پێویستیان به هاوكاری مرۆییه، بۆیه پێویسته گه‌مارۆی سه‌ر یه‌مه‌ن بشكێنرێت.
ئه‌و ئه‌ندامه داوا ده‌كات هه‌موو په‌یوه‌ندییه‌كی ده‌ریایی و وشكانی و ئاسمانی به‌رووی یه‌مه‌ندا بكرێته‌وه، چونكه ئه‌گه‌ر به‌رده‌وام بن له گەمارۆی سه‌ر ئه‌و خه‌ڵكه كاره‌ساتی مرۆیی رووده‌دات.
وڵاتی سعوودیە و ئه‌و هاوپه‌یمانییه‌ی دروست كراوه بۆ لێدانی حوسییه‌كانی یه‌مه‌ن، گه‌مارۆیان خستووه‌ته سه‌ر یه‌مه‌ن، به‌ڵام ئه‌وه‌ی زه‌ره‌رمه‌ندی یه‌كه‌مه خه‌ڵكه‌كه‌یه، چونكه خواردن و ئاو كه‌م بووه، رێژه‌ی هه‌ژاریش رۆژ به رۆژ له‌وپه‌ڕی خراپییه.
بۆیه كریستۆس داوا ده‌كات نه‌ته‌وه یه‌كگرتووه‌كان و یه‌كێتی ئه‌وروپا هه‌موو ئاسانكارییه‌ك بكه‌ن تا بتوانرێت هاوكاری به‌و خه‌ڵكه بگات، چونكه حاڵیان له‌وپه‌ڕی خراپییه.
کۆمێنت (0)
تا ئێستا هیچ کۆمێنتێک نەکراوە.