به‌ڕێوه‌به‌رایه‌تی ڕاگه‌یاندنی وه‌زاره‌تی په‌روه‌رده رایده‌گه‌ێنێ، ژماره‌یه‌ك چه‌كداری حه‌شدی شه‌عبی هه‌ڵیانكوتایه سه‌ر ماڵی مامۆستا ئه‌ركان شه‌ریف ، به‌ڕێوه‌به‌ری قوتابخانه‌ی ناوه‌ندی ناوباخ و وێنه‌گری كوردستان تیڤی و به چه‌قۆ شه‌هیدی ده‌كه‌ن. وه‌ك وه‌زاره‌تی په‌روه‌رده ئه‌م ڕه‌فتاره نائینسانییه ئیدانه ده‌كه‌ین.
وه‌زاره‌تی په‌ره‌وه‌ده‌ی حكومه‌تی هه‌رێمی كوردستان له به‌یاننامه‌یه‌كدا رایگه‌یاند: پاش هاتنه ناوه‌وه‌ی چه‌كدرانی حه‌شدی شه‌عبی بۆ نێو ناوچه كوردستانییه‌كانی ده‌ره‌وه‌ی هه‌رێمی كوردستان و ئه‌نجامدانی ده‌یان پێشێلكاری نائینسانانه و ئاواره‌بوونی ده‌یان هه‌زار كوردستانی و سوتاندنی ماڵ و شه‌هیدكردنی ده‌یان كورد، شه‌وی رابردوو، له گوندی حه‌فته‌غاری سنووری داقووق، ژماره‌یه‌ك چه‌كداری حه‌شدی شه‌عبی هه‌ڵیانكوتایه سه‌ر ماڵی مامۆستا ئه‌ركان شه‌ریف، كه به‌ڕێوه‌به‌ری قوتابخانه‌ی ناوه‌ندی ناوباخ و وێنه‌گری كوردستان تیڤیـیه و به چه‌قۆ شه‌هیدی ده‌كه‌ن.
هه‌روه‌ها به‌یاننامه‌كه‌ی وه‌زاره‌تی په‌روه‌رده ده‌ڵێ: وه‌ك وه‌زاره‌تی په‌روه‌رده ئه‌م ڕه‌فتاره نائینسانییه ئیدانه ده‌كه‌ین و سه‌ره‌خۆشی خۆمان ئاراسته‌ی بنه‌ماڵه‌ی مامۆستا ئه‌ركان ده‌كه‌ین و هاوبه‌شی خه‌میانین.
کۆمێنت (0)
تا ئێستا هیچ کۆمێنتێک نەکراوە.