ئەنجوومەنی ئاسایشی هەرێمی کوردستان لە پەیامێکدا کە لە پێگەی تایبەتیی خۆی لە تۆڕی کۆمەڵایەتیی (تویتەر) بڵاوی کردووەتەوە رایده‌گه‌یه‌نێت كه حەشدی شەعبی نیازی هێرشکردنە سەر پێشمەرگەی هەیە .
ئەنجوومەنی ئاسایشی هەرێمی کوردستان ئاشکرای کرد، هێزەکانی حەشدی شەعبی بە پاڵپشتیی کۆماری ئیسلامیی ئێران و سەرپەرشتیی هادی عامری و ئەبو مەهدی موهەندیس، هێرشیان بۆ سەر سەنگەرەکانی پێشمەرگە کردووە.
هه‌روه‌ها ئەنجوومەنی ئاسایشی هەرێمی کوردستان ئاشکرای کرد، هێزەکانی عێراق و میلیشیاکانی حەشدی شەعبی بە پاڵپشتیی ئێران، سەنگەرەکانی پێشمەرگەیان تۆپباران کردووە و دواتر هێرشیان ئەنجام داوە.
ئەوەشی ڕاگەیاندووە کە میلیشیاکان لە ڕەبیعەوە بەرەو ناوچەی (مەحموودییە) هەوڵی پێشڕەوییان داوە و لەلایەن پێشمەرگەوە دوو تانکی میلیشیاکان تێکشکێنراوە.
بەپێی ئەو زانیارییانەی ئەنجوومەنی ئاسایشی هەرێمی کوردستان بڵاوی کردووەتەوە، هێزەکانی (لیوای عەباس، کەتیبەکانی جوندول ئیمام، رەعدول ساری، کەتیبەکانی ئیمام عەلی، حەرەکەی نەجبە، لیوای تەوفوف و لیوای حوسێن) بە سەرپەرشتیی هادی عامری و ئەبومەهدی موهەندیس لە هێرشەکەدا بەشدارن.
کۆمێنت (0)
تا ئێستا هیچ کۆمێنتێک نەکراوە.