گوته‌بێژی لیوای 40ی كه‌تیبه‌كانی ئیمام عه‌لی سه‌ر به حه‌شدی شه‌عبی، رایده‌گه‌ێنێت، عه‌بادی پێنج هێزی چه‌كداری راسپاردووه ،بۆ ئه‌وه‌ی هێرش بكه‌نه سه‌ر كه‌ركوك و له هه‌ر چركه‌ساتێكیشدا فه‌رمان بكرێت، هێرشه‌كه ئه‌نجامده‌ده‌ن.
ئه‌بو عیزرائیل ، گوته‌بێژی لیوای 40ی كه‌تیبه‌كانی ئیمام عه‌لی سه‌ر به حه‌شدی شه‌عبی ، به رووداوی راگه‌یاندووه: له چه‌ند رۆژی رابردوودا به سه‌رۆكایه‌تی حه‌یده‌ر عه‌بادی، فه‌رمانده‌ی گشتی هێزه چه‌كداره‌كان له ناوچه‌ی سه‌وز كۆبوونه‌وه‌یه‌ك له‌گه‌ڵ فه‌رمانده باڵا سه‌ربازیی و ئه‌منییه‌كان كراوه‌و تێیدا عه‌بادی فه‌رمانیداوه به ئاماده‌كردنی پێنج هێز له حه‌شدی شه‌عبی، هێزی ئاڵتونی، پۆلیسی فیدراڵی و سوپای عێراقی، به‌مه‌به‌ستی بڵاوبوونه‌وه و هێرشكردنه‌سه‌ر ناوچه كێشه له‌سه‌ره‌كان، به‌تایبه‌تی كه‌ركووك.
گوتیشی: ئێستا هه‌موو هێزه‌كان له‌و په‌ڕی ئاماده‌باشیدان، كه‌وتوونه‌ته حاڵه‌تی ئاماده‌به‌شی (ج)ی سه‌ربازی و چاوه‌ڕێی فه‌رمانی سه‌رووی خۆیانن له هه‌ر چركه‌ساتێكدا فه‌رمان بكرێت، هێرشه‌كه ئه‌نجامده‌ده‌ن و له ناوچه كێشه له‌سه‌ره‌كان بڵاوده‌بنه‌وه، به‌ڵام فه‌رمانده سه‌ربازییه‌كانی حه‌شدی شه‌عبی، به‌هیچ شێوه‌یه‌ك نایانه‌وێت شه‌ڕی هێزه‌كانی پێشمه‌رگه و كورد بكه‌ن.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.