ئه‌ندامانی فراكسیۆنی هاوپه‌یمانی نیشتمانی له ئه‌نجوومه‌نی نوێنه‌ران هه‌ڵمه‌تی كۆكردنه‌وه‌ی واژوویان بۆ دوورخستنه‌وه‌ی سه‌رۆك كۆماری عێراق، ده‌ستپێكردووه .
حه‌سه‌ن خه‌ڵاتی، ئه‌ندامی فراكسیۆنی هاوپه‌یمانی نیشتمانی رایگه‌یاند: فوئاد مه‌عسوم ،سه‌رۆك كۆماری عێراق، سوێندی له‌سه‌ر پاراستنی یه‌كتێتی عێراق خواردووه و جێبه‌جێ نه‌كردنی سوێنده‌كه‌ی، مانای ئه‌وه‌یه پابه‌ندی سوێنده‌كه‌ی نه‌بووه. ، بۆیه واژوو بۆ له‌سه‌ر كارلادانی كۆكراوه‌ته‌وه .
هه‌ربۆ هه‌مان مه‌به‌ست ئه‌سما موسه‌وی ئه‌ندامی فراكسیۆنی به‌در له هاوپه‌یمانی نیشتمانی گوتی: هیچ پێویست به بوونی كورد له ئه‌نجوومه‌نی نوێنه‌ران ناكات له‌به‌ر ئه‌وه‌ی پشتیوانییان له ریفراندۆم كرد و له‌سه‌ر ئه‌نجوومه‌نی نوێنه‌ران پێویسته هه‌ڵوێست وه‌ربگرێت.
جه‌ختیشیكرده‌وه : له ئه‌نجوومه‌نی نوێنه‌ران له‌گه‌ڵ حكوومه‌تی فیدرال هه‌موو رێوشوێنێك بۆ پاراستنی یه‌كێتی عێراق ده‌گرێته‌به‌ر.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.