دەستەی ئەرکانی هاوبەشی سوپای کۆریای باشوور بڵاویکردەوە، ئەمڕۆ پێنجشەممە کۆریای باکوور نزیکەی 12 مووشەکی بالیستیی مەوداکورتی بە ئاراستەی دەریای ڕۆژهەڵات (دەریای ژاپۆن) هەڵداوە.
بەپێی ڕاگەیەندراوی فەرمیی دەستەی ئەرکان، مووشەکەکان لە دەوروبەری کاتژمێر 12:30ی پاشنیوەڕۆ (بە کاتی سیئۆل) لە ناوچەی "وۆنسان" لە کۆریای باکوورەوە هەڵدراون، هاوکات شیکارییە سەربازییەکان بۆ دیاریکردنی مەودای بڕینی مووشەکەکان و تایبەتمەندییە تەکنیکییەکانیان بەردەوامییان هەیە.
ئەم تاقیکردنەوە مووشەکییە بەرفراوانە دوای زیاتر لە دوو هەفتە دێت لەوەی لە 12ی تشرینی یەکەمدا پیۆنگ یانگ زنجیرەیەک مووشەکی بالیستیی تاکتیکیی بە مەبەستی بەرزکردنەوەی توانای سیستەمە مووشەکییەکانی تاقی کردبووەوە.
سوپای کۆریای باشوور جەختیشی کردەوە کە بە هەماهەنگی و ئاڵوگۆڕی زانیاریی هەواڵگری لەگەڵ ئەمەریکا و ژاپۆن، چاودێریی وردی جووڵە سەربازییەکانی پیۆنگ یانگ دەکات و هێزەکانی لە ئامادەباشیی تەواودان بۆ ڕووبەڕووبوونەوەی هەر تاقیکردنەوەیەکی دیکەی چاوەڕوانکراو.
کۆمێنت (0)
تا ئێستا هیچ کۆمێنتێک نەکراوە.