ئێوارەی ئەمڕۆ لە سنووری قەزای تەقتەق، گەنجێک لەسەر حەوزێکی ماسی بەهۆی دەرچوونی فیشەکی هەڵەی تاپڕ لە دەستی ئامۆزاکەیەوە گیانی لەدەست دا.
بەپێی زانیارییەکانی کانیاو حەکیم، پەیامنێری (کوردستان تیڤی) لە کۆیە، ئێوارەی ئەمڕۆ هەینی لە سنووری قەزای تەقتەق، گەنجێک بە ناوی (بەختیار سەردار) لەسەر حەوزێکی ماسی فیشەکێکی چەکی تاپڕ بە هەڵە لە دەستی ئامۆزاکەی دەرچووە، فیشەکەکە بەر ناوبراو کەوتووە و بەهۆیەوە گیانی لەدەست داوە.
گەنجەكە خەڵكی گوندی قەسرۆکی سەر بە ناحیەی ئاغجەلەرە و دانیشتووی گەڕەکی قەڵاتەی قەزای تەقتەقە.
کۆمێنت (0)
تا ئێستا هیچ کۆمێنتێک نەکراوە.