وەزارەتی بەرگری ڕووسیا ڕایگەیاند، لە ئێوارەی ڕۆژی چوارشەممەوە تاوەکو ئەمڕۆ، هێزەکانی بەرگری ئاسمانی وڵاتەکەی توانیویانە 347 فڕۆکەی بێفڕۆکەوانی سوپای ئۆکراینا لە ناوچە جیاجیاکانی شەڕ و ناو خاکی ڕووسیا تێکبشکێنن و بخەنە خوارەوە.
لە بەیاننامەیەکی فەرمیدا، وەزارەتی بەرگری ڕووسیا ئاماژەی بەوە کردووە کە سوپای ئۆکراینا هەوڵەکانی بۆ ئەنجامدانی هێرش لە ڕێگەی درۆنەوە بۆ سەر دامەزراوە جیاوازەکان چڕکردووەتەوە، بەڵام سیستەمە بەرگرییە ئاسمانییەکان توانیویانە ئەو ژمارە زۆرەی درۆنەکان لە ناوچە سنوورییەکانی وەک کورسک و بێلگۆرۆد و ناوچەکانی دیکەی بەرەی جەنگ، پێش گەیشتن بە ئامانجەکانیان تێکبشکێنن.
جەنگی درۆنەکان لە نێوان مۆسکۆ و کیێڤ لەم دواییانەدا چوونەتە قۆناغێکی نوێوە، بەجۆرێک ئۆکراینا هەوڵ دەدات لە ڕێگەی فڕۆکەی بێفڕۆکەوانەوە قوڵایی خاکی ڕووسیا و ژێرخانی وزە و کۆگاکانی سووتەمەنی بکاتە ئامانج، لە بەرامبەریشدا ڕووسیا ڕێکارە بەرگرییەکانی لە دەوروبەری شارە گەورەکان و دامەزراوە ستراتیژییەکان توندتر کردووەتەوە.
کۆمێنت (0)
تا ئێستا هیچ کۆمێنتێک نەکراوە.