کەشناسیی هەرێم: پلەی گەرما بەرز دەبێتەوە

بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان پێشبینییەکانی کەشوهەوای بۆ 48 کاتژمێرى داهاتوو بڵاو کردەوە و ڕایگەیاند، پلەی گەرما بەراورد بە دوێنێ کەمێک بەرز دەبێتەوە.

کەشوهەوای ئەمڕۆ پێنجشەممە 30ـی نیسان بەم شێوەیە: ئاسمان لەنێوان پەڵەهەور و نیمچە هەور دەبێت، لە ناوچە شاخاوییەکان هەندێک کات بۆ هەوری تەواو دەگۆڕێت لەگەڵ ئەگەری کەمێک تاوەباران و بروسکە، بۆ کاتەکانی ئێوارە کەشوهەوا بەگشتی سەقامگیر دەبێتەوە.

کەشوهەوای سبەی هەینی بەم شێوەیە: ئاسمان پەڵە هەور دەبێت لە کاتەکانی ئێوارە بۆ نیمچەهەور دەگۆڕێت، لە کاتەکانی درەنگانی شەو ئەگەری نمەباران هەیە لە ناوچەکانی سنووری رۆژئاوا. پلەکانی گەرما بە 1-2 پلە بەراورد بە ئەمڕۆ بەرز دەبنەوە.

بەرزترین پلەکانی گەرمای پێشبینیکراو بۆ سبەی هەینی بە پلەی سیلیزی

هەولێر: 26 پلەی سیلیزی 
پیرمام: 23 پلەی سیلیزی
سۆران: 20 پلەی سیلیزی 
حاجی ئۆمەران: 14 پلەی سیلیزی 
سلێمانی: 25 پلەی سیلیزی 
چەمچەماڵ: 26 پلەی سیلیزی
دهۆک: 26 پلەی سیلیزی
زاخۆ: 26 پلەی سیلیزی 
هەڵەبجە: 26 پلەی سیلیزی
گەرمیان: : 28 پلەی سیلیزی