وەزارەتی جەنگی ئەمریكا (پێنتاگۆن) ئەمڕۆ پێنجشەممە دەستبەسەرداگرتنی كەشتییەكی دیكەی لە زەریای هیندیدا راگەیاند كە نەوتی ئێرانی هەڵگرتبوو و دەیگواستەوە، لە ماوەی سێ رۆژدا ئەمە دووەم كەشتییە دەستی بەسەردا دەگیرێت.
پێنتاگۆن لە تۆڕی كۆمەڵایەتی (ئێكس) رایگەیاند: شەوی رابردوو هێزەكانی ئەمریكا ئۆپڕاسیۆنێكیان لە زەریای هیندی ئەنجام دا، ئۆپراسیۆنەكە بریتی بوو لە پشكنین و دەستبەسەرداگرتنی كەشتییەك كە نەوتی ئێرانی هەڵگرتبوو و هەوڵی دەدا بە نهێنی بیگوازێتەوە.
ئاماژەی بەوەش کرد، واشنتۆن بەردەوام دەبێت لە چالاکییەکانی لە بواری جێبەجێکردنی یاسای دەریایی بۆ دەستبەسەرداگرتنی تۆڕە نایاساییەکان و ڕێگریکردن لە هەموو ئەو کەشتییانەی کە پشتیوانی ماددی پێشکەش بە ئێران دەکەن جا لە هەر دەریا و زەریایەكدا کار بکەن.
وەزارەتی جەنگی ئەمریكا لەگەڵ راگەیەنراوەكەدا، هەروەها ڤیدیۆی ساتی دەستبەسەرداگرتنی كەشتییەكەشی بڵاوكردۆتەوە كە تێیدا دەردەكەوێت سەربازە ئەمریكییەكان بە هێلیكۆپتەر لەسەر كەشتییەكە دادەبەزن.
لە كۆتاییدا پێنتاگۆن جەختی لەوە کردەوە کە بەهیچ شێوەیەك ڕێگە نادەن وڵات و لایەنە سزادراوەكان ئاوە نێودەوڵەتییەکان بۆ بەرژەوەندی خۆیان بەكاربهێنن.
Overnight, U.S. forces carried out a maritime interdiction and right-of-visit boarding of the sanctioned stateless vessel M/T Majestic X transporting oil from Iran, in the Indian Ocean within the INDOPACOM area of responsibility.
— Department of War 🇺🇸 (@DeptofWar) April 23, 2026
We will continue global maritime enforcement to… pic.twitter.com/SWF6Jt9Ci4
کۆمێنت (0)
تا ئێستا هیچ کۆمێنتێک نەکراوە.