سەرۆکوەزیرانی پاکستان داوای "خۆبەدوورگرتن لە توندوتیژی" و پابەندبوون بە ئاگربەست لە هەموو لایەنەکان دەکات
شەهباز شەریف، سەرۆکوەزیرانی پاکستان، داوای لە سەرجەم لایەنە تێوەگلاوەکانی ململانێی ناوچەکە کرد، کە "وپەڕی دانبەخۆداگرتن" بنوێنن و بە تەواوی پابەندی ڕێککەوتنی ئاگربەست بن. سەرۆکوەزیرانی پاکستان جەختی لەوە کردەوە کە ناوچەکە چیتر بەرگەی ئاڵۆزیی زیاتر ناگرێت و پێویستە هەموو لایەک هەوڵەکانیان بۆ چەسپاندنی ئاشتی و سەقامگیری یەکبخەن، تاوەکو ڕێگری لە هەر لادان و پێشێلکارییەک بکرێت کە ببێتە هۆی هەڵگیرسانەوەی جەنگ.
ئەم بانگەوازەی سەرۆکوەزیرانی پاکستان لە کاتێکدایە کە وڵاتەکەی لە ماوەی ڕابردوودا ڕۆڵی ناوبژیوانی لە نێوان لایەنە ناکۆکەکاندا گێڕاوە (بە تایبەت لە نێوان واشنتن و تاران). شەهباز شەریف ئاماژەی بەوەش دا کە پابەندبوون بە ئاگربەست تەنیا بژاردەیە بۆ پاراستنی گیانی مەدەنییەکان و ڕێگریکردن لە وێرانکاریی زیاتر، داواشی لە کۆمەڵگەی نێودەوڵەتی کرد پشتگیری لەم پرۆسەی ئاشتییە بکەن بۆ گەیشتن بە چارەسەرێکی هەمیشەیی و دوورکەوتنەوە لە زمانی هەڕەشە.
کۆمێنت (0)
تا ئێستا هیچ کۆمێنتێک نەکراوە.