بەرێوەبەرایەتی دابەشکردنی کارەبای چۆمان رایگەیاند كە لەدوای نیوەڕۆی ئەمڕۆ پێنجشەممەوە كارەبای ناوچەی باڵەكایەتی بە گشتی چووەتە ناو پڕۆژەی رووناكی و بووەتە كارەبای 24 كاتژمێری.
بەڕێوەبەرایەتییەكە رایگەیاندووە: کاتژمێر 2ی دوای نیوەڕۆی ئەمڕۆ پێنجشەممە رێكەوتی 2/4/2026 کارەبای سنووری بەرێوەبەرایەتیمان (باڵەکایەتی بە گشتی) بووە 24 کاتژمێری و چووە ناو پڕۆژەی رووناکی.
راشیگەیاند: داواکارین لە هاووڵاتییانی خۆشەویست بەرچاوڕوونیان هەبێت و بەپێی پێویست کارەبا بەکاربێنن، لەبەرئەوەی لەلایەن تیمی پڕۆژەی رووناکی بە نرخی نوێ یەکەکانی بەکارهاتوو هەژمار دەکرێت.
هەروەها رایگەیاندووە: پێمان راگەیەنراوە تا رێکەوتی 13-4-2026 مامەڵەی گۆڕین و مۆرکردنەوەی پێوەر جێبەجێ ناکرێت و هەموو مامەڵەیەک لەمەودوا بە سیستەمی نوێی پڕۆژەی رووناکی جێبەجێ دەکرێت.
بەرێوەبەرایەتی دابەشکردنی کارەبای چۆمان لە كۆتاییدا ئاماژەی بەوە دا كە ، ئێستا بەشێکی زۆری سەنتەری قەزا و ناحیە و گوندەکانمان پێوەری زیرەکیان بۆ نەبەستراوە، بۆیە بۆ ماوەیەکی کاتی لەسەر پێوەری میکانیک (کۆن) کار دەکرێت.
کۆمێنت (0)
تا ئێستا هیچ کۆمێنتێک نەکراوە.