سوپای پاسدارانی ئێران ئەمڕۆ هەینی جەختی لە بەردەوامی داخرانی گەرووی هورمز كردەوە، راشیگەیاند هەر كەشتییەك لە گەرووەكە نزیك ببێتەوە لێی دەدەن.
سوپای پاسداران لە راگەیەنراوێكدا رایگەیاند: بەیانی ئەمڕۆ هەینی سێ كەشتی هەوڵیان دا لە گەرووی هورمز بپەڕنەوە دوای ئەوەی گوێیان لە دۆناڵد ترەمپ ببوو كە گەرووەكە كراوەتەوە.
راشیگەیاند: هێزەكانمان هۆشدارییان دایە هەرسێ كەشتییەكە و ناچاریان كردن بگەڕێنەوە.
سوپای پاسداران جەختیشی كردەوە كە تا ئێستا گەرووی هورمز بە داخراوی ماوەتەوە.
ئاماژەی بەوەش دا كە هەر كەشتییەكی وڵاتانی لایەنگری ئەمریكا و ئیسرائیل هەوڵی پەڕینەوە و دەربازبوون لە گەرووەكە بدات، رووبەڕووی سوپاكەیان دەبێتەوە.
ئەم هۆشدارییەی سوپای پاسداران لە كاتێكدایە كە شەوی رابردوو دۆناڵد ترەمپ سەرۆكی ئەمریكا رایگەیاندبوو گەرووەكە بەڕووی هاتوچۆی كەشتییەكان كراوەتەوە دوای هێوكردنەوەی دۆخەكە و دەستپێكردنی گفتوگۆكان لەنێوان ئەمریكا و ئێران.
کۆمێنت (0)
تا ئێستا هیچ کۆمێنتێک نەکراوە.