سەرۆك وەزیرانی ئیسرائیل بەهۆی هێرشە مووشەكییەكانی شەوی رابردووی ئیران بۆ سەر شاری عەراد زۆر توڕە بووە و بڕیاریداوە تۆڵەی گەورە لە سوپای پاسداران و سەركردەكانی ئێران بكاتەوە.
بنیامین نەتانیاهۆ سەرۆك وەزیرانی ئیسرائیل رایگەیاندووە: زۆر بە توندی لە رژێمی ئێران دەدەین، لە سوپای پاسداران دەدەین كە بریتین لە گرووپێكی تاوانبار، لە یەك بەیەكیان دەدەین، لە سەركردەكانیان دەدەین و دامەزراوە و سەرچاوە ئابوورییەكانیان وێران دەكەین.
نەتانیاهۆ ئاماژەی بەوەش دا كە لە هێرشەكانی دوێنێی ئێران چەند شوێن ئایینی لە قودس كراونەتە ئامانج، لە دیواری پیرۆز و كەنیسەی قیامە و مزگەوتی ئەقسا دراوە، خۆشبەختانە زیانیان نەبووە، بەڵام ئەوان لەم سێ شوێنە پیرۆزەی ئاینیشیان داوە.
شەوی رابردوو مووشەكەكانی ئێران هەریەك لە شارەكانی عەراد و دیمونیان كردە ئامانج و بەگوێرەی دوایین ئامارەكان زیاتر لە 300 كەس بریندار بوون.
کۆمێنت (0)
تا ئێستا هیچ کۆمێنتێک نەکراوە.