بەڕێوەبەرایەتیی گشتیی کەشناسی و بومەلەرزەزانی هەرێمی کوردستان ڕەوشی کەشوهەوای 48 کاتژمێری داهاتووی خستەڕوو ڕایگەیاند: بارانبارین و هەورە تریشقە بەردەوام دەبێت
ئەمڕۆ شەممە 21ـی ئادار بەڕێوەبەرایەتیی کەشناسی و بومەلەرزەزانی، ڕایگەیاند: ئاسمان هەوری تەواو دەبێت نمەباران و بارانی مامناوەند لە زۆربەی ناوچەکانی هەرێم بەردەوامی دەبێت، لە دوای نیوەرۆوە بارانبارین لە هەندێک ناوچە دەگۆڕێت بۆ تاوە باران و هەورە تریشقە. لە ناوچە شاخاوییە سنوریەکان ئەگەری کەمێک بەفربارین هەیە.
بۆ سبەی یەک شەممە، 22ـی ئادار بە پێی پێشبینیەکانی کەشناسی: بە گشتی ئاسمان هەوری تەواو دەبێت، نمەباران و بارانی مامناوەند لە زۆربەی ناوچەکانی هەرێم بەردەوامی دەبێت، لە دوای نیوەرۆ رێژەی دابارین زیاد دەکات لە هەندێ شوێن هەورە تریشقەی لەگەڵدا دابێت
بەرزترین پلەی گەرمای پێشبینیکراو بۆ ئەمڕۆ و سبەی بە پلەی سیلیزی:-
| شار و ناوچە جیاجیاکانی هەرێمی کوردستان | شەممە | یەکشەممە |
| هەولێر | 16 | 15 |
| سلێمانی | 13 | 12 |
| دهۆک | 14 | 13 |
| هەڵەبجە | 12 | 12 |
| چەمچەماڵ | 15 | 14 |
| سۆران | 10 | 10 |
| گەرمیان | 18 | 17 |
| پیرمام | 11 | 10 |
| حاجی ئۆمەران | 5 | 4 |
| زاخۆ | 14 | 14 |
کۆمێنت (0)
تا ئێستا هیچ کۆمێنتێک نەکراوە.