سێ هەفتە بەسەر دەستپێکی جەنگی نێوان ئێران و ویلایەتە یەکگرتووەکانی ئەمریکادا تێدەپەڕێت، چاودێرانی سیاسی و ئابووری هۆشداری دەدەن لەوەی ئەم جەنگە کاریگەریی توند و درێژخایەنی لەسەر ئابووری واشنتن دەبێت.
بەگوێرەی ڕاپۆرتەکان، تا ئێستا نزیکەی 200 ملیار دۆلار لەم جەنگەدا خەرج کراوە، بەڵام پسپۆڕان جەخت لەوە دەکەنەوە کە ئەم بڕە پارەیە تەنها سەرەتایە و پێشبینی دەکرێت تێچووی کۆتایی بگاتە 1 ترلیۆن دۆلار، کە وەک "باجێکی قورس" لەسەر ئابووری ئەمریکا و هاووڵاتییانی ئەو وڵاتە هەژمار دەکرێت.
لەم چوارچێوەیەدا ئاماژە بەوە کراوە، ئەمە "جەنگێکی سەپێنراوە" و بەسەر گەلی ئەمریکا و ئێراندا دروستکراوە. هاوکات ڕەخنەی توند ئاراستەی بنیامین نەتانیاهۆ، سەرۆک وەزیرانی ئیسرائیل و لایەنگرانی لە کۆنگرێسی ئەمریکا دەکرێت و بە هۆکاری سەرەکی ئەو بارگرانییە داراییە گەورەیە دادەندرێن کە ڕووبەڕووی واشنتن بووەتەوە.
کۆمێنت (0)
تا ئێستا هیچ کۆمێنتێک نەکراوە.