سەرۆک کۆماری ئێران بە توندی هێرشکردنە سەر کۆگاکانی نەوت لە ئێران سەركۆنە دەکات و جەخت دەكاتەوە كە ئەم کارە دەرئەنجامی گەورەی دەبێت لەسەر هەموو جیهان.
مەسعوود پزشکیان سەرۆک کۆماری ئێران رایگەیاند "هێرشە ئاسمانییەکان بۆ سەر ژێرخانی وزە و دامەزراوە نەوتییەکانی کۆماری ئیسلامی ئێران بە توندی سەرکۆنە دەکەم و هۆشداری دەدەم لەوەی ئەم جۆرە هەنگاوانە بارودۆخەکە ئاڵۆزتر دەکەن".
ئاماژە بەوەش دەكات کە ئەم جۆرە "کردەوە شەڕەنگێزییانە" هیچ دەستکەوتێک بۆ "دوژمن" و لایەنگرانیان بەدەست ناهێنێت، بەڵکو تەنها دەبێتە هۆی تێکدانی سەقامگیری و قووڵکردنەوەی قەیرانەکان لە ناوچەکەدا.
هەر لەو چوارچێوەیەدا، هۆشداری توند دراوە کە بەردەوامبوونی ئەم هێرشانە دەرەنجامی وای لێ دەکەوێتەوە کە لەژێر کۆنتڕۆڵ دەردەچن و مەودای کاریگەرییەکانی تەنها لە سنووری ناوچەکەدا نامێنێتەوە، بەڵکو دەبێتە هۆی دروستبوونی تەنگژەیەک کە تەواوی جیهان دەگرێتەوە.
کۆمێنت (0)
تا ئێستا هیچ کۆمێنتێک نەکراوە.