وەزیری دەرەوەی ئێران ڕایگەیاند، وڵاتەکەی تا ئەو شوێنەی پێویست بکات بەردەوامی بە شەڕ دەدات و ڕووبەڕووی ئەمریکا و ئیسرائیل دەبێتەوە.
لە کۆنگرەیەکی ڕۆژنامەوانیدا، عەباس عێراقچی، وەزیری دەرەوەی ئێران ڕایگەیاند، وڵاتەکەی ئامادەیە بچێتە شەڕەوە بۆ هەر شوێنێک کە بەرەو ڕووی بێتەوە، تا ئەو شوێنەی پێویست بکات بەردەوامی پێ بدات و ڕووبەڕووی نەیارەکانی دەبێتەوە.
وەزیری دەرەوەی ئێران گوتی: " پێموایە ئەمریکا و ئیسرائیلیش وانەیەکی زۆر باش فێربوون و تێدەگەن کە مامەڵە لەگەڵ چ جۆرە وڵاتێک دەکەن، وڵاتێک کە درێغی ناکات لە بەرگریکردن لە خۆی و ئامادەیە بچێتە شەڕەوە بۆ هەر شوێنێک کە بەرەوڕووی بێتەوە".
زیاتر لە دوو هەفتەیە شەڕ و پێکدادانەکان لە نێوان ئەو سێ وڵاتەدا بەردەوامە و شەڕەکە زیانی ملیاران دۆلاری لە وڵاتانی ناوچەکە داوە.
کۆمێنت (0)
تا ئێستا هیچ کۆمێنتێک نەکراوە.