وەزارەتی تەندروستی ئیسرائیل ئەمڕۆ یەكشەممە ژمارەی بریندارانی لە دەستپێكی شەڕەوە تا ئێستا لە ئەنجامی هێرش و بۆردومانەكانی ئێران بڵاو كردەوە.
وەزارەتی تەندروستی ئیسرائیل: بەهۆی هێرشەكانی ئێران تا ئێستا 3138 هاووڵاتی ئیسرائیلی بریندار بوون كە 81 كەس لەوان تا ئێستا لە نەخۆشخانەكان ماونەتەوە.
راشیگەیاند: لەنێو ئەو بریندارانەی كە تا ئێستا لە نەخۆشخانەكان ماونەتەوە 9 كەسیان بارودۆخی تەندروستییان زۆر خراپە و تا ئێستا مەترسی لەسەر ژیانیان ماوە، بەڵام بارودۆخی 8 كەسەكەی دیكە مامناوەندە.
هەروەها رایگەیاند: بارودۆخی 57 بریندارەكەی دیكە سووك و ئێستا لە نەخۆشخانەكان چارەسەری وەردەگرن.
ئەمڕۆ یەكشەممە 16ـەمین رۆژ تێپەڕ دەبێت بەسەر دەستپێكردنی شەڕی نێوان ئەمریكا و ئیسرائیل دژی ئێران، بۆردومانی و هێرشی مووشەكی و درۆن لەنێوان هەرسێ وڵات تا ئێستا زۆر بە چڕی و توندی بەردەوامی هەیە.
کۆمێنت (0)
تا ئێستا هیچ کۆمێنتێک نەکراوە.